Հայոց պատմություն ֆիլմաշար

«Հայոց պատմություն»-ը «Բարձունք» կրթական շարժման հեղինակային ֆիլմաշար է, որի նպատակն է ամբողջական, շարունակական և գիտահեն կերպով ներկայացնել հայ ժողովրդի պատմությունը՝ ազգի ձևավորման ընթացքից մինչև մեր օրերը։

Ֆիլմաշարը ստեղծվում է որպես ժամանակակից պատմագիտական ու կրթական գործիք՝ համադրելով գիտական բովանդակությունը, անիմացիոն գրաֆիկան և արհեստական բանականության նորագույն հնարավորությունները։

Ֆիլմաշարի ստեղծման գործընթացը կառուցված է մի քանի կարևոր սկզբունքների վրա․

Գիտահեն բովանդակություն
Յուրաքանչյուր սերիայի սցենարի վրա աշխատում են պատմաբաններ և գիտնականներ՝ հիմնվելով ժամանակակից պատմագիտական մոտեցումների և վստահելի աղբյուրների վրա։

Արհեստական բանականության կիրառություն
Ֆիլմերը պատրաստվում են արհեստական բանականության նորագույն գործիքների կիրառմամբ՝ ապահովելով բարձր պատկերայնություն և արտադրական արդյունավետություն։

Պրոֆեսիոնալ անիմացիա և գրաֆիկա
ԱԲ-ով ստեղծված վիզուալները մշակվում և հղկվում են անիմացիոն գրաֆիկայի մասնագետների կողմից։

Մանրակրկիտ ձայնային դիզայն
Առանձնահատուկ ուշադրություն է դարձվել խոսքի, երաժշտության և հնչյունային միջավայրի ճիշտ համադրությանը՝ պատմական ժամանակի զգացողություն ստեղծելու համար։

Ֆիլմաշարի ամբողջացման արդյունքում ակնկալվում է․

• Հայոց պատմության միասնական, շարունակական և հասկանալի ներկայացում,
• պատմության հանդեպ հետաքրքրության աճ հատկապես երիտասարդների շրջանում,
• կրթական և հանրային քննարկումների համար կիրառելի տեսանյութերի հավաքածու,
• ազգային ինքնության, պատմական հիշողության և երկարաժամկետ մտածողության ամրապնդում։

Սա գործիք է կրթության, ինքնաճանաչման և արժեքային ձևավորման համար։