Հայքի շառավիղներ

Հայքի շառավիղները

«Հայքի շառավիղներ»-ը դպրոց է, որը ձևավորում է ազգային-քաղաքական մտածողություն ունեցող երիտասարդների։

Այն ստեղծվել է նրանց համար, ովքեր ցանկանում են ոչ միայն ճանաչել, այլև գիտակցել իրենց պատասխանատվությունը հայրենիքի ապագայի հանդեպ։

Դպրոցը միավորում է 16–25 տարեկան երիտասարդների, որոնք պատրաստ են ընթանալ ինքնության, պատմության, պետության և քաղաքացի լինելու խորքային ուսումնասիրության ճանապարհ։

Այստեղ կրթությունը ինքնանպատակ չէ․ այն միջոց է՝ ձևավորելու մտածող, դիրքորոշում ունեցող և գործող նոր հայ։

Նպատակը

«Հայքի շառավիղներ»-ը ձևավորում է սերունդ, որը չի սպասում փոփոխության, այլ իրականացնում է այն։

Դպրոցը նպատակ ունի․

կրթել ազգային ինքնագիտակցությամբ և քաղաքական մտածողությամբ երիտասարդներ,
ստեղծել արժեքային ընդհանրությամբ միավորված համայնք,
վերադարձնել պատմությունն ու մշակույթը՝ որպես ներկայի և ապագայի գործիք,
պատրաստել երիտասարդների, որոնք կկարողանան ոչ միայն գնահատել իրականությունը, այլ նաև ազդել դրա վրա։

Կրթական բովանդակությունը

Դպրոցը կառուցված է տեսական և գործնական բաղադրիչների համադրությամբ։

Կրթական բովանդակության ուղղություններ․

Պատմություն և պատմական հայրենիք
Քաղաքական միտք և իրավունք
Ազգային մշակույթ
Փիլիսթփայություն և կրոն

Հիմնական մեթոդաբանություն․

Գործնական առաջադրանքներ
Արշավներն և դաշտային դասեր
Թանգարանային և մշակութային այցեր
Թիմային և նախագծային աշխատանքներ
Քաղաքացիական նախաձեռնություններ

Այս ամենը միավորվում են մեկ նպատակի շուրջ՝ ձևավորել մտածողություն, որը բեկելու է մեր պետության ընթացքը։

Որտե՞ղ և ե՞րբ

Դպրոցի առաջին սերնդի ընդունելությունը մեկնարկել է 2024 թվականի աշնանը, և այդ պահից կրթական գործընթացը շարունակվում է՝ որպես երկարաժամկետ ուղի, ոչ մեկանգամյա նախաձեռնություն։

Դպրոցի կազմակերպչական ձևաչափը հետևյալն է․

Տարիքային խումբ՝ 16–25 տարեկան
Տևողություն՝ 1 ուսումնական տարի
Հաճախականություն՝ շաբաթական մեկ հանդիպում
Ձևաչափ՝ առկա
Վայր՝ Երևան

Դպրոցը ենթադրում է շարունակական ներգրավվածություն և գիտակցված մասնակցություն, քանի որ այստեղ կրթությունը գործընթաց է, իսկ փոփոխությունը՝ ժամանակ ու ջանք պահանջող ճանապարհ։

Ինչպե՞ս մասնակցել

«Հայքի շառավիղներ»-ը բաց է բոլոր նրանց համար, ովքեր արդեն ընդունելության փուլում պատրաստ են սովորել, դրսևորել կամք ու նվիրում։

Ընդունելությունը հիմնված է արժեքային և գաղափարական համընկնման վրա։

Մասնակցելու համար անհրաժեշտ է՝

լրացնել դիմում-հայտը՝ ներկայացնելով սեփական մոտիվացիան,
կատարել ուսումնասիրություններ՝ ըստ տրվող նյութերի և
հանձնել քնություն ուսումնասիրված նյութի շուրջ։

Քննությունը հնարավորություն է հասկանալու՝
արդյոք դիմորդը պատրաստ է քայլել մտքի, պատասխանատվության և գործելու ճանապարհով։

Դարձի՛ր Հայքի շառավիղ

Ի՞նչ արդյունքներ ակնկալել

Շատերի համար «Հայքի շառավիղներ»-ը կյանքի ընթացքը բեկող փորձառություն է։

Դպրոցն ավարտող ուսանողները․

ունենում են ձևավորված ազգային-քաղաքական մտածողություն,
գիտակցում են իրենց դերը պետության և հայրենիքի կայացման ճանապարհին,
կարողանում են վերլուծել, կողմնորոշվել և դիրքավորվել,
պատրաստ են քաղաքացիական ներգրավվածության և նախաձեռնողականության,
դառնում են արժեքահեն և գործուն երիտասարդական համայնքի մաս։

Փորձագիտական կազմ

Դպրոցի կրթական հիմքում հայ մտքի և ազգային գաղափարական ժառանգության առանցքային դեմքերն են՝ սկսած Մեսրոպ Մաշտոցից և Դավիթ Անհաղթից, մինչև Մխիթար Գոշ, Կոմիտաս, Հովհաննես Թումանյան, Գարեգին Նժդեհ և այլք։

Նրանց գաղափարներն ու մտածողությունը դպրոցում դիտարկվում են ոչ որպես անցյալ, այլ որպես գործող մտավոր հիմք՝ ներկան հասկանալու և գնահատելու համար։

Այսօր դպրոցը համախմբում է պատմաբանների, փիլիսոփաների, իրավաբանների, մշակութաբանների և ազգային մտածողության կրողների, որոնք իրենց գիտելիքն ու փորձառությունը փոխանցում են երիտասարդներին կենդանի երկխոսության և համատեղ մտագործության միջոցով։