Մենք ուրվագծել ենք «Հայոց երկրի» գաղափարային-բովանդակային քարտեզի նախատիպ, որում արտացոլված գաղափարները ենթակա են սահմանման, մասնագիտական վերլուծության, խնդիրների և լուծումների քարտեզագրման և հանրային կյանքում ներդրման։ Որպես հիմնական միջոց ծառայում են կրթությունը, կրթական բաղադրիչ պարունակող տարատեսակ նախագծերն ու հանրային միջոցառումները, մեդիա նյութերն ու գործիքակազմը։

«Բարձունք»-ի ստեղծած կրթական հարթակում անհատները, ձեռք բերելով անհրաժեշտ գիտելիքներ և հմտություններ, անցնում են վերոնշյալ նպատակների իրականացմանը։ Հարթակի առանցքում հայրենաճանաչությունն է, ինքնաճանաչումը, անհրաժեշտ հմտությունների ձեռքբերումը, գիտակցության բարձրացումը, ազգային և համամարդկային արժեքների սերմանումը, պետական և թիմային մտածողության ձևավորումը։